Некои здравствени проблеми можат да бидат многу непријатни – навидум може да изгледаат како нешто сосема обично и да не ве алармираат доволно за да веднаш направите лекарски преглед, барем во раните фази.

Лекарите велат дека колку порано здравствениот проблем се детектира, толку полесен ќе биде третманот, а во некои случаи, раната дијагноза може и да ви го спаси животот.

Денес ви откривме кои навидум обични симптоми и знаци кои се појавуваат по телото, може да бидат индикатор за нешто посериозно:

1. Невообичаени рабови на јазикот

При ова состојба, рабовите на јазикот изгледаат како кора од пита или како со траги од заби и, во основа, значи дека јазикот станува поголем од долната вилица. Освен ако не имате повреда или траума предизвикана од вилицата, причината за појава на оваа состојба може да биде и оток. Отекувањето може да биде резултат на неколку работи, а некои можат лесно да се поправат без посета на лекар, на пример, дехидрација.

Меѓутоа, доколку имате и други симптоми, како болки, грчеви, опаѓање на косата, низок крвен притисок и модринки, тоа може да биде знак на нарушување на тироидната жлезда.

2. Црни линии на ноктите

Ноктите често можат многу да откријат за нашето здравје. Некои луѓе природно имаат многу густи или тенки нокти, но ако забележите било каква промена во нивната структура или боја, треба да направите лекарски преглед. Темните вертикални линии се едни од алармантните знаци, кои може да бидат индикатор за меланом.

Доколку не се сеќавате дали некако сте ги повредиле вашите ноктите или немате друго очигледно образложение зошто може истите да крварат или не знаете што ја предизвикува темната линија, тогаш потребна е консултација со специјалист.

3. Затемнување и задебелување на кожата

Доколку забележите кафеава или жолта боја затемнувања на кожата, кои се малку отечени и на допир како со кадифена текстура, воедно се појавуваат на области каде што кожата се свиткува, како под пазувите или вратот, не го игнорирајте овој симптом.

Истиот може да биде индикатор за отпорност на инсулин и дефинитивно треба да го проверите ова порано отколку подоцна. Ова може да биде дел од состојба кога телото не реагира на инсулин како што треба и може да доведе до развој на дијабетес тип 2.

4. Мозолчиња на по должина на вилицата и брадата

Под кожата, имаме многу ситни жлезди кои произведуваат природни масла за да ја одржат кожата во добра состојба, а овие масла се движат нагоре низ порите. Кога, поради некоја причина, овие жлезди произведуваат повеќе масло отколку што може да справиме со нашата кожа, порите може да се затнат. За жените, добивањето мозолчиња по должина на вилицата може да биде знак на хормонална нерамнотежа – кога премногу од машкиот хормон, тестостерон, се продуцира и ги стимулира овие масни жлезди.

5. Истенчување на веѓите

Како што стареат луѓето, тие доживуваат природно опаѓање на косата, но истенчувањето на веѓите може да биде знак на хипотироидизам, односно нарушување на тироидната жлезда. Ако тироидната жлезда не работи како што треба, може да произведе премногу или не доволно од одреден хормон, при што двете од овие состојби предизвикуваат опаѓање на косата на телото.

Ние губиме коса цело време, тоа е природен процес, но истиот се заменува со ново прераспределување. Кога производството на хормони е неурамнотежено, тоа влијае на развојот и растот на нова коса во коренот, при што паднатата коса не се обновува.

6. Мозолче кое не заздравува

Секој човек барем еднаш има добиено мозолчиња. Некои од нас се посреќни и се имаат соочено ретко со оваа појава за разлика од другите, но вообичаено мозолчињата се предизвикани од затнати пори.

Меѓутоа, доколку добиете мало „бисерно“ мозолче што едноставно не заминува со недели и лесно започнува со крварење, треба да го проверите бидејќи може да биде знак на карцином на базалните клетки. Иако звучи страшно, овој вид на рак на кожата е најмалку ризичен, не се шири и може да се лекува релативно брзо, особено ако се дијагностицира рано.

7. Невообичаен раст на влакна кај жени

Доколку наеднаш се соочите со раст на влакна во области типични за мажите, како над усните, околу брадата, или под папокот на стомакот, тоа би можело да биде симптом на синдром на полицистична јајчници, при кој јајчниците се зголемуваат како резултат на хормонална нерамнотежа . Имајте на ум дека и генетиката може да биде причина за нивната појава, па направете мало истражување на семејните фотографии.

8. Болка во прстите

Задебелените чувствителни прсти можат да бидат знак на карцином на белите дробови. Кога се развиваат тумори на белите дробови, тие ослободуваат некои хемикалии во крвотокот кои го стимулираат растот на ткивата под ноктот и во прстите, предизвикувајќи болка. Ако почувствувате задебелување и оток на прстите, направете лекарски преглед. Секогаш е подобро навреме да бидете сигурни.

9. Пожолтување на кожата и белката на очите

Жолтеникавата боја на кожата или на белката на очите е вообичаен симптом на кожата, кога телото се соочува со нарушување при црниот дроб. Очите обично се претвораат во жолтеникави бидејќи во крвта се акумулира хемикалија наречена билирубин. Дефинитивно треба да посетите лекар веднаш штом ќе забележите жолта боја, бидејќи раната дијагноза може да спречи сериозни здравствени компликации.

10. Темни кругови под очите

Темните кругови под очите обично се резултат на проблемите со животниот стил. Кога не спиеме доволно, имаме лоша исхрана или нездрав начин на живот, масното ткиво околу очите се менува и кожата ни станува потенка. Иако овие темни дамки обично не бараат лекарска помош, сепак ова е знак дека треба подобро да се грижите за себе и за вашето здравје.