Уште како деца, повеќето од нас слушнале како е потребно да се најде вистинска љубов, со која ќе го поминеме целиот свој живот. Можеби звучи убаво во теорија, но во пракса работите се малку покомплицирани.

Што ако не ја пронајдете вистинската личност за вас? Дали тоа значи дека треба веднаш да се откажете од врската што не изгледа идеална како што сте првично замислувале?

Постојат неколку добри причини зошто понекогаш е подобро да поработите на врска отколку веднаш да ги кренете рацете и да започнете повторно да ја барате новата вистинската личност. Подолу ќе откриеме некои од нив:

1 .Врската нè менува

Можеби ви се чини дека вие и вашиот сегашен партнер сте премногу различни, но тоа не значи дека вашата врска не може да биде хармонична. Свесно или несвесно, ние се прилагодуваме на другите луѓе и го менуваме нашето однесување, особено ако се грижиме за нив. Во врските, двајцата партнери го прават тоа, сакале или не, поради што треба да бидете трпеливи и да не донесувате брзи заклучоци за наводната некомпатибилност помеѓу вас и вашиот партнер.

2. Партнери со различни темпераменти и други карактеристики ве прават поцелосна личност

Smiling romantic mature couple with wine glasses while sitting at restaurant

„Спротивностите привлекуваат“ не е само празна фраза што луѓето ја повторуваат туку така. На интровертите, на пример, им требаат екстроверти за да се почувствуваат повеќе живи  отколку што кога би биле во врска со слична личност, добро е за неорганизирани луѓе да имаат покрај себе подисциплиниран партнер, а врската секако ќе функционира подобро ако темпераментниот партнер е секогаш со мирна личност. .

3. Останувањето во врска ќе ве зближи

Кога партнерите ќе поминат заедно исти животни искуства, неизбежно е тоа да ги зближи уште повеќе. Можеби сте помислиле дека вашиот сегашен партнер не е идеална личност за вас, но откако ќе видите како се однесува во кризни ситуации и кога ќе ви биде најпотребен, ќе откриете дека поседува некои квалитети за кои не сте биле свесни до тогаш. Некои луѓе добро ги кријат своите доблести, па затоа понекогаш треба да им дадете шанса, наместо да се откажете од нив по првото наводно разочарување.