Реченицата „љубвота е слепа“ е неверојатно точна во некои ситуации, но во никој случај не е изговор да останеме во токсична врска. Обратете внимание на знаците што саботираат и покажуваат дека сте во „отровна“, лоша врска.

1. Наоѓате изговори за партнерот

Сите имаме денови кога стануваме на лева нога, но ако партнерот е постојано во лошо расположение, секогаш доцни и се однесува на таков начин што честопати се срамите во неговото друштво, така што мора да им се извините на другите во негово име, дефинитивно сте во неволја.

Акотреба постојано да го „покривате“ неговото однесување на социјалните настани, крајно време е да разговарате со него приватно и да му кажете како се чувствувате. Во секој случај, вашиот партнер е возрасен човек и нема потреба вие да го оправдате неговото однесување.

2. Работите „прекувремено“ за да ги решите проблемите во врската

И двајцата партнери треба да вложат подеднаков напор во врската. Ако тој однос е нееднаков, односно едната личност се обидува да ја одржи врската многу повеќе од другата и доколку чувствувате дека давате повеќе од максимум за вашата врска да преживее, додека вашиот партнер не се обидува премногу и не ви покажува малку благодарност за тоа, запрашајте се во каква врска сте. И престанете да се трудите околу некој што очигледно не се труди околу вас.

3. Нервозни сте кога тој/таа излегува со пријателите

Постојат неколку причини поради кои сте нервозни кога партнерот излегува со пријателите. Вие сте несигурни и вознемирени затоа што не му верувате на партнерот и не верувате во вашата врска или немате доволно самодоверба.

Недовербата помеѓу партнерите може да биде резултат на вашите претходни лоши искуства или вашиот партнер можеби веќе ве изневерил на некој начин. Размислете внимателно за тоа дали можете да одржите врска во која нема доверба и во чија сила не верувате, и дали воопшто вреди да се борите за истата.

Довербата во партнерот и поголема самодоверба е лесна за стекнување, но многу е полесно ако партнерот ве поддржува. Од друга страна, многу е потешко ако ве манипулира и прави работи поради кои ве натера да мислите дека сте помалку вредни од него.

4. Навикнати сте на драма

Кога сте навикнати на драма, тешко е да се забележи нездравиот однос. Ако вашата врска има историја на раскинување и помирувањето и тоа безброј пати, тогаш треб да ви биде сосема јасно добро дека сте во токсичен однос.

На кратко, навикнати сте на екстремни промени во една врска, денови кога се чувствувате добро, а потоа следуваат кавги и распади – еуфорија, љубов и среќа, потоа гнев, депресија и драматични сцени .

Ако вашата врска е таква, размислете за сè добро затоа што многу луѓе кои „живеат во драма“, всушност, им недостасува нешто во животот. Откријте што ви недостасува вам и прекинете го тој токсичен циклус.

5. Луѓето околу вас не го сакаат вашиот партнер

Размислете како луѓето околу вас се однесувале кон вашите претходни партнери, кои ги сакале, кои не, што имаат заедничко … Не треба секогаш да го слушате мислењето на другите по секоја цена, но имајте на ум дека луѓето блиски до вас го сакаат најдоброто за вас, па ако не го сакаат партнерот, обидете се да ги погледнете работите од нивна гледна точка, па можеби на тој начин да станете посвесни за токсичното однесување на партнерот.