Сите оние кои држеле диета, знаат дека најтешкиот момент од целиот тој процес на слабеење е потиснувањето на апетитот, бидејќи повеќето режими на исхрана значително ги ограничуваат порциите.

За среќа постојат одредени видови на храна кои значително може да го намалат апетитот и истите ќе ви бидат најдобар сојузник доколку се обидувате да ослабнете брзо и трајно.

Еве кои се тие:

1. Јаболко

Да, не звучи многу привлечно да консумирате јаболко особено кога умот ви сонува за чоколадо со карамела, но вреди да пробате. Постојат многу вкусни сорти на јаболка, па така лесно може да го пронајдете вашиот омилен вид. Јаболката содржат пектин, кој позитивно влијае во регулирањето на шеќерот во крвта и го дава чувството на ситост.

2. Ѓумбир

Доколку го обожавате ѓумбирот, тогаш веќе сте неколку чекори напред. Ѓумбирот има навистина интензивен вкус, кој истовремено активира повеќе рецептори за вкус, а тоа значително го намалува апетитот. Едноставно може да џвакате мало парче ѓумбир или да го измешате со вашиот чај.

3. Бадеми

Бадемите се чудесни, особено кога станува збор за слабеењето. Содржат високо количество на протеини, што ќе ве заситат на подолго време. Покрај тоа, одлично влијаат во регулирање на шеќерот во крвта. Важно е тие да не се солени или зачинети, бидејќи во тој случај, им се намалува ефектот.

4. Леќа

Од вкусната леќа може да приготвите разни фантастични јадења. Таа содржи големо количество на протеини и хранливи материи, при што со нејзиното консумирање ефикасно ќе го намалите апетитот.

5. Домати

Високото ниво на хром што го содржат, ги прави доматите одлично средство за стабилизирање на шеќерот во крвта и да се чувствувате долго време заситени. Воедно, тоа што може да ги приготвите на безброј начини, ги прави уште поизвонредни.