Поголемиот дел од времето, фитнес тренерите ги учат своите клиенти на класични и по малку здодевни вежби. Но, вежбањето може да биде сосема забавна активност, а еве и како.

Откријте ги во продолжение разиграните видови на „штица“ вежбите при кои многу ќе се забавувате, а истовремено ќе ги активирате сите можни мускули, а резултатите ќе бидат цврсто и зајакнато тело:

1. „Одење надолу“

Овој вид на „штица“ ги активира вашите бицепси, стомачни и мускулите на грбот.

  • Првобитната позиција е клекнување на сите четири екстремитети, а телото придружувајќи го само на лактите и прстите од стапалата.
  • Кренете ја вашата десна рака од подот и поставете ја дланката на точката каде што стоел лактот т.е под рамото, а потоа направете го истото и со левата рака.
  • Движете се кон нагоре колку што можете, а потоа одморете, враќајќи се во првобитната положба.

2. „Штица“ на страна и допирање на прстите на нозете

Оваа вежба ги активира и зајакнува рамената и мускулите кај колковите.

  • Првобитната позиција е поставување на телото на подот, но држејќи се настрана со потпирање на едниот лакт, а притоа другата рака да биде вериткално исправена.
  • Движете ја исправената нога кон нагоре и обидете се да ги допрете прстите на нозете. Не ја свиткувајте ногата.

3. „Штица“ на страна и допирање на лактот со коленото

Покрај тоа што ги активира деловите од претходната вежба, тука во игра се вклучува и активирањето и зацврстувањето на задникот.

  • Повторно поставете го телото на подот, но настрана, потпирајќи се на едниот лакт и стапалата.
  • Горната рака треба да ја придвижите зад главата, за да се истакне нејзиниот лакт.
  • Потоа свиткајте ја горната нога и со нејзиното колено обидете се да го допрете лактот.

4. „Том Круз штица“

Овој вид на „штица“ го активира целото тело: рацете, рамената, нозете, бутовите, стомачните и грбот.

  • Почетната позиција е класичната „штица“
  • Бавно, оддалечете ги рацете и нозете на најголемо растојание што можете
  • Спуштете го вашето тело најниско што можете, без да го допирате подот.

5. „Одење на исправени раце“

Оваа вежба ги развива и зајакнува рамената и мускулите на грбот.

  • Повторно, класичната „штица“ е почетната позиција.
  • Направете еден чекор настрана со едната рака и едната нога. Потоа, на ист начин и на иста страна, придвижете ја и другата рака и другата нога.
  • Вратете се во првобитната положба. Контролирајте ја карлицата, не дозволувајте таа да се крене нагоре.