Причината за појава на болка во грбот често варира, но често се случува поради тоа што ‘рбетот не ја добива потребната потпора од околините мускули на грбот.

Колку се позацврстени и посилни централните мускули на грбот и особено страничните, кои се поврзани со долниот дел од грбот, толку поголема потпора ќе добие самиот ‘рбет.

А со практикување на овие вежби, ќе можете да го постигнете токму ова, да ги обликувате вашите мускули и притоа да се ослободите од болката во грбот.

Со нивното практикување неколку пати во неделата, вашата болка во грбот ќе се намали уште на самиот почеток, а во продолжение погледнете за кои 10 лесни вежби станува збор и како да ги направите:

1. Стомачни вежби

Стомачните вежби се многу ефективни, кои при самото правење ги таргетираат и активираат централните мускули на грбот, страничните и самите стомачни мускули.

  • Легнете на подот и благо свтикајте ги колената
  • Поставете ги вашите раце зад вашата глава или напред, на градниот кош
  • Земете длабок здив и кренете го нагоре вашиот горен дел од телото. Придвижете го бавно и без многу напор
  • По неколку направени движења, направете пауза и повторете 12-15 пати.

Доколку почувствувате дека вашето грло станува суво, тогаш премногу ја притискате главата, наместо стомачните. Повторно обидете се, овој пат, со правилната техника, со активирање на стомакот.

2. „Планинско искачување“

Овој тип на вежба е одлична бидејќи вашите мускули на грбот постојано се активирани, без притоа многу напор.

  • Започнете во положба на „штица“ вежбата
  • Придвижете ја вашата лева нога, како да сакате да ја кренете
  • Менувајте ги позициите на нозете при скокање
  • Обидете се да не го кревате нагоре вашиот горен дел од телото при скокањето и држете го телото исправено колку што е најмногу возможно
  • Повторете 12-15 пати за секоја нога поединечно

Колку побрзо се движите т.е скокате, толку поефикасна ќе биде вежбата, но најважно е да внимавате на правилно извршување на техниката.

3. Стомачни вежби од една на друга страна

Совршено ги обликуваат стомачните мускули и одлично го активираат целото тело.

  • Легнете на подот и поставете ги рацете до вашето тело
  • Кренете го телото во повисока позиција за правење стомачни вежби
  • Свиткајте ги колената, притоа стапалата да ви останат на подот
  • Движете го торзото од едната кон другата страна
  • Повторете за секоја страна поединечно по 12-15 пати

Останете во позиција за стомачните вежби до самиот крај на целата вежба.

4. Вкрстени стомачни вежби

Исто така и овој вид на вежби ќе го активираат и зацврстат целото ваше тело.

  • Легнете на подот и поставете ги рацете зад вашата глава
  • Свиткајте го вашето лево колено и придвижете го до градниот кош
  • Ротирајте го торзото, така што десниот лакт да се приближи до вашето лево колено
  • Менувајте ги страните
  • Повторете 12-15 пати за секоја страна поединечно

5. Вежба „Мртва бубачка“

Оваа вежба ги активира централните мускули на грбот, стомачните, страничните и со еден збор, сите мускули на вашето тело.

  • Легнете на грб и притоа исправете ги рацете кон таванот, а колената свиткајте ги под агол од  90°.
  • Протегнете ја левата нога и раката протегнете ја зад вашата глава, притоа кренувајќи ги од подот
  • Потоа сменете и повторете ја вежбата за спротивните екстремитети
  • Повторете 12-15 пати за секоја страна

6. Странична „штица“

Страничната „штица“ вежба е одлична за обликување на стомачните мускули, која притоа ќе ја ублажи и болката во грбот.

  • Легнете во „штица“ положба, притоа поставувајќи го лактот директно под рамото
  • Активирајте го централниот дел, а опуштете ги колковите, притоа благо кревајќи ги нозете нагоре, одделувајќи ги малку од подот
  • Потоа, најмногу што можете, кренете ги и колковите нагоре
  • Повторете 12-15 пати за секоја страна