Иако не можеме да изгубиме тежина само во специфични области, сепак возможно  да се направи половината да изгледа потенка, а стомакот совршен со редовно практикување на одредени лесни движења.

Постојат неколку мускулни групи кои се одговорни токму за овој дел од телото и потребно е да се најдат вежби кои ќе придонесат до изолирањето и истакнувањето на овие мускули. Вториот трик се однесува на тоа дека  овие вежби треба да се направат на начин, така што нашите мускулите ќе изгледаат обликувано и затегнато, но не невкусно преголеми.

Токму следниот збир на едноставни и кратки вежби ќе ви помогне ефикасно и за краток временски период да добиете потенка половина и обликувани стомачни мускули.

1. Кревање на нозете во лежечка положба

Овој вид на вежби ги активира сите групи на абдоминални мускули.

  • Легнете на подот. Потребно е вашите нозе да бидат исправени, а рацете протегнати над главата.
  • Кренете го торзото и нозете од подот, достигнувајќи ги стапалата со вашите раце.
  • Вратете се во првобитната положба.
  • Повторете 10-12 пати.
  • Доколку сметата дека на овој начин, вежбата е преголем предизвик, тогаш кревајте ги нозете, една по една, наизменично.

2. Странично протегнување

Овој вид протегнување ги активира страничните мускули на стомакот, правејќи го истиот обликуван и зацврстен.

  • Легнете на рамна површина и свиткајте ги колената.
  • Движете ги и двете раце кон левиот бут достигнувајќи до коленото.
  • Вратете се во првобитната положба.
  • Повторете го вториот чекор за левата страна.
  • Повторете 10-12 пати за секоја страна.

3. Странични стомачни вежби со фитнес топка

Овој вид на стомачни вежби се неверојатно ефикасни за обликување за на сите стомачни мускули, бидејќи нестабилноста на топката ќе ви помогне да ги активирате овие мускули до максимум.

  • Легнете странично со десниот колк на топката за вежбање.
  • Поставете го левото стапало зад десното стапало, искористете го ѕидот доколку ви треба дополнителна потпора.
  • Поставете ги рацете на задниот дел од главата за постабилна потобора, но обидете се да не ги повлекувате за време на вежбата.
  • Кренете го нагоре горниот дел од телото.
  • Полека вратете се во првобитната положба.
  • Повторете 10-12 пати.
  • Променете ги страните и повторете 10-12 пати за другата страна.

4. Стомачни вежби со фитнес топка

Класичните стомачни вежби помагаат за активирање на т.н ректус абдоминис мускулите и на попречните мускули на стомакот.

  • Земете ја вашата фитнес топка, така што кога ќе седнете на неа, нозете да формираат агол од 90 °.
  • Седнете на топката и движете ги нозете напред, така што долниот дел на грбот да се потпира на топката.
  • Држете ги рацете зад главата за подобра потпора.
  • Направете ги стомачните вежби, а потоа бавно вратете се во првобитната положба.
  • Повторете 10-12 пати.

5. Висока „штица“ со протегнување на колковите

Оваа вежба ве носи на следното ниво и ги таргетира мускулите на целото тело.

  • Започнете во положба за класичната „штица“ вежба, држејќи ги рацете под рамената, притоа формирајќи една права линија од главата до нозете.
  • Бавно кренете ја левата нога од подот, без да го движите торзото.
  • Направете 5 вдишувања и издишувања и вратете се во првобитната положба.
  • Повторете со десната нога.
  • Повторете 10-12 пати за секоја нога.

6. Ножици

Одлична вежба за затегнување на вашите нозе, но најмногу за обликување на стомачните мускули, особено во долниот дел.

  • Легнете и поставете ги рацете покрај телото.
  • Свиткајте ги колената и кренете ги нозете.
  • Кренете ја едната нога до агол од околу 45°, а спуштете ја другата нога без да го допира подот.
  • Наизменично движете ги нозете.

7. Обратни стомачни вежби

Овој вид на вежба таргетира повеќе мускулни групи како т.н ректус абдоминис и попречни абдоминални мускули.

  • Легнете и поставете ги рацете до вашето тело.
  • Свиткајте ги колената на агол од околу 90°.
  • Повлечете ги нозете до градите и притоа малку нагоре, малку свиткувајќи го грбот.
  • Вратете се во првобитната положба.
  • Држете ги колената свиткани цело време.

8. Странично протегање

Редовното протегнување е исто толку важно за останување во добра форма како и секое вежбање, но честопати истото го занемаруваме. Страничното протегнување делува неверојатно во обликување на половината и страничните стомачни мускули.

  • Поставете ги нозете на растојание во однос т.е како рамената, притоа раздвојувајќи ги рацете.
  • Спуштете ја десната рака странично и свиткајте го торзото, кревајќи ја десната рака нагоре.
  • Почекајте неколку секунди и бавно вратете се во првобитната положба.
  • Повторете го чекорот за другата страна.
  • Повторете 10-12 пати за секоја страна.