Јогата е вистинско индиско богатство кое може да се пофали со бројни придобивки. Повеќекратните студии откриваат дека јогата значително го подобрува сонот и го ублажува стресот кај жените, бремени или не, постарите лица, па дури и кај децата со. Само 10 минути јога може да направи чуда за вас и вашето здравје.

Ве покануваме да ја искористите древната индиска мудрост со вежбање 8 јога пози за добар ноќен одмор.

1. Супта Бада Конасана

Седнете, свиткајте ги колената и повлечете ги петите кон карлицата. Спуштете ги колената на страните, навалете се наназад и потпрете ги рацете покрај телото. Погрижете се вашиот ‘рбет да биде издолжен и да се одржи природна кривина на долниот дел на грбот. Останете во оваа поза околу 10 минути. Позата ја подобрува циркулацијата на крвта и ја ублажува главоболката.

2. Утанасана

Застанете исправено со стапалата споени и рацете долж страните. Полека почнете да се наведнувате напред – главата, горниот дел од телото, а потоа долниот дел од телото. Допрете го подот со дланките и колената со челото. Погрижете се нозете и рацете да ви бидат исправени.
Останете во оваа поза од 30 секунди до 2 минути, во зависност од тоа колку удобно се чувствувате. Позата го подобрува варењето и ги согорува стомачните масти.

3. Утан Приштасана

Стапнете напред кон вашата рака. Спуштете го едното колено, а другото свиткајте го, внимавајте коленото да ви е точно над глуждот. Тежината во колковите треба да биде изедначена.
Ако сте доволно флексибилни, можете да спуштите на подлактиците. Останете во оваа поза 5-10 вдишувања.

4. Випарита Карани

Легнете неколку  сантиметри подалеку од ѕидот, свртени со главата подалеку од него. Прилагодете ја вашата положба така што задникот ќе биде блиску до ѕидот и вашето тело ќе формира агол од 90 степени. Откако ќе ви биде удобно, оставете ги рацете да ви се отворат, опуштете ги грбот и рамената и почнете да го забележувате здивот. Држете ја позата 3-15 минути.

5. Пашимотанасана

Седнете на подот со нозете пред вас. Вдишете и допрете ги рацете над вашата глава. Додека издишувате, полека доведете се напред, обидувајќи се да ги фатите прстите на нозете со рацете. Не заборавајте да го држите грбот исправен.
Поентата овде е да ги допрете бутовите со стомакот, а колената со челото. Останете во оваа поза онолку долго колку што ви е удобно.

6. Шавасана

Легнете на тврда површина. Поставете ги нозете и рацете одвоени, целосно опуштете ги. Држете ги рацете свртени нагоре. Дишете длабоко и полека, избегнувајте да заспиете.
Позата можете да ја држите околу 10-12 минути. Откако ќе завршите, превртете се на едната страна, останете тука една минута, а потоа вратете се во седечка положба.

7. Супта Матсиендрасана

Легнете на грб и свиткајте ги колената. Завртете ги колковите на едната страна, испружете ја едната нога и прекрстете ја на спротивната страна. Истегнете ја спротивната рака на страна и свртете ја главата во спротивна насока од испружената нога. Држете ја позата од 30 секунди до 1 минута.
Направете го истото од другата страна.

8. Маласана

Раширете ги нозете во ширина на колкови и клекнете надолу. Наведнете се напред помеѓу бутовите и колената и притиснете ги лактите на нив. Останете во оваа поза 30-60 секунди.