Предолгото и заморно вежбање на комплицирани и тешки вежби не се гаранција за посакуваното тело. Во продолжение прочитајте во што лежи едноставната тајна до рамен стомак.

Формулата е едноставна: Секојдневно вежбајте помали и различни вежби што ќе го опфатат секој дел од телото.
Еве кои 8 треба да ги практикувате скоро секогаш:

1. “Возење велосипед”

Легнете на подот и откако ќе се опуштите во лежечката позиција, ставете ги рацете на главата за потпора и полесно држење, а нозете кревајте ги наизменично, токму како кога возите велосипед. Доколку имате болки во грбот, оваа вежба не се препорачува. Повторете ги овие движења 30 пати.

2. Странични стомачни во лежечка положба

Наместо класичното право кревање на торзото напред, во правец на нозете, размрдајте ја атмосферата и стомачните правете ги наизменично на страна.  Не го заборавајте правилното дишење и овие стомачни се препорачува да ги повторите 15 пати.

3. Стомачни со нозете вертикално исправени нагоре

Легнете на подот, исто како за правењето на класичните стомачни и се што треба да направите е да ги кренете нозете нагоре, поставени вертикално и додека ги држите во таа позиција, треба да ги правите стомачните, односно да го кревате торзото кон напред. Повторете 15 пати.

4. Стомачни со исправени раце

Легнете на грб, повторно во положба за стомачни и наместо рацете зад глава, исправете ги кон напред. Оваа вежба ефективно ќе ги опфати сите мускули, а повторете ја 30 пати.

5. Странично држење на телото во една положба

Завземете позиција како кога правите склекови, но наместо класичната вежба, свртете го телото кон едната страна, потпирајќи се со раката кон подот, а нозете ставете ги една врз друга за подобра рамнотежа. Бавно поставете ја другата рака кон спротивната страна. Повторете 10 пати.

6. Странични стомачни

Слично како претходната вежба, поставете се над подот паралелно и со едната рака потткренете се, а нозете повторно, една врз друга за рамнотежа. Торзото треба да ви биде поставено во воздух.  Повторете по 4 пати, за двете страни поединечно.

7. Вежба во положба “Птица-куче”

Оваа вежба е идеална за формирање на т.н стомачни плочки. Поставете се во положба исто како на сликата и со кревање на спротивниот пар, пр. левата рака и десната нога и обратно, исправено држете ги по 1 секунда, а потоа сменете ги парот. Така наизменично повторувајте 30 пати.

8. Релаксирајте се со положба на “кобра”

Легнете на подот, притоа свртени на стомак. Исправете ги убаво нозете и стапалата, а потоа кренете се со помош на рацете и исправете го торзото кон напред. Вдишете и издишете длабоко и држете ја оваа положба 15 до 30 секунди.  Повторете неколку пати.