Ја нарекуваат „Малата сирена“ од Перу, а нејзината среќна- тажна приказна успеа да трогне милиони луѓе ширум светот.

Сите сме слушнале за митските приказни за сирените, но зад секој мит, постои мала вистина, па така на светот постои здравствена состојба позната како сиреномелија или синдром на сирена. Многу луѓе родени со овој синдром умираат млади, но малата сирена од Перу е уникатна приказна со среќен крај.

Малата Милагрос Серон од Перу се роди во 2004-та година токму со ова ретко заболување, при што нејзините мали нозе беа сосема споени.

Иако децата родени со сиреномелија умираат по само неколку дена од раѓањето, бидејќи немаат дебело црево и дигестивниот тракт им е неразвиен, а притоа и самиот пол тешко може да се утврди.

Родителите на Милагрос направиле сето возможно, а лекарите го направиле и невозможното, за девојчето да преживее. До нејзината 5-годишна возраст, Милагорс била подложена на бројни операции.

И на изненадување на сите, таа не само што научила да се движи, туку започнала и да посетува часови по танцување.

И покрај тоа што нејзиното семејство не е многу богато, тие не се откажале од нивната ќерка, а финансиска помош дала и локалната власт, при што благодарение на целокупниот труд на сите, малата Милагрос успее да се почувствува како и сите останати деца.

За жал, во Октомври оваа година, родителите соопштија дека нивната Милагрос почина, на само 15 години, додека ја чекаше својата трансплантација на бубрег.

„Секогаш ќе ја паметам како многу паметно девојче, кое постојано се смееше и беше весело.“- изјави нејзиниот татко.