Понекогаш не сме свесни дека постојано повторуваме исти грешки кои можат скапо да ја чинат нашата кожа и здравје. Често мислиме дека полесниот или побрзиот начин е соодветен и ова може да направи сериозна штета. Ова се неколку постапки кои многу од нас продолжуваат да ги прават, а секој професионален дерматолог би ги посоветувал поинаку.

Ги чепкате мозолчињата

Кога ќе се појави мозолче најголем дел од луѓето сакаат брзо да се ослободат од него со чепкање. Но, ова е најголемата грешка! На овој начин само ќе можете да ја воспалите кожата, да предизвикате инфекција и да ја влошите ситуацијата. Особено ако имате посериозен проблем со акните тогаш веднаш треба да се обратите кај дерматолог, кој ќе ви предложи соодветен третман и терапија.

Одите во кревет со шминка

Кога носите шминка, таа „заробува“ сѐ со што вашата кожа доаѓа во контакт во текот на целиот ден – помислете пот, нечистотија, бактерии и која било друга бруто-материја со која се среќавате. До моментот кога ќе легнете во кревет, лицето е исто толку нечисто како јавниот превоз. Ова ја воспалува кожата и води до нејзино предвремено стареење. Дури и ако не носите шминка, сепак треба да бидете чисти секоја вечер … вашата кожа ќе ви се заблагодари подоцна.

Правење на третмани за лице во непроверени салони за убавина

Сериозните третмани за убавина кои се клучни за здравјето на кожата треба да се прават во сериозни ординации. Советите кои ги слушате од тип на: „Другарката на мојата другарка“ воопшто не се гаранција дека кожата на вашето лице ќе биде заштитена. Професионалните дерматолози го поседуваат потребното образование и искуство за да знаат што се случува со вашата кожа и како да се реши проблемот, наместо на универзален начин да ги решаваат сите процедури.

Се туширате со врела вода

Иако чувството на топол туш ви ги олеснува болките во мускулите и ве грее на студеното зимско време. Но, премногу топлата вода предизвикува црвенило и воспаление, особено на вашето лице. На овој начин наместо да добиете почисто лице, тоа само побрзо ќе се измасти.

Не ги чистите четките за шминкање

Да речеме дека се грижите за вашето лице и редовно го чистите со вода и соодветни средства секоја вечер, но доколку заборавате да ги исчистите четките со кои ја нанесувате шминката сетоа ова може да биде залудно. Четките за шминка се во директен контакт со површината на кожата и се полни со масти, шминка, остатоци и бактерии во нивните влакната. Рутинската употреба на четки без соодветно чистење доведува до запушени пори и појава на акни. Плус, валканите четки можат да пренесат бактерии и габи на вашата кожа, што може да ви даде непријатни инфекции. Треба да ги миете четките најмалку двапати неделно за да бидете сигурни дека тие се безбедни за кожата.

Не посетувате дерматолог

Можеби не практикувате непрофесионални третмани за убавина, но доколку не се сеќавате кога последен пат сте посетиле дерматолог тоа може да биде лош знак за здравјето на вашата кожа. Игнорирањето на проблемите на кожата водат до уште поголеми проблеми. Затоа не чекајте ситуацијата да биде алармантна и редовно грижете се за убавината и здравјето на вашата кожа.

Грижата за вашата кожа препуштете ѝ ја на професионалците! Дерматолошко естетската ординација Д-р Анчевски е вистинскиот избор за секој кој сака да има убава и здрава кожа. Не заборавајте дека здравјето треба да ви биде пред сѐ и закажете си консултации во Д-р Анчевски уште денес.