Овие моќни мечки од Алјаска биле фатени одблизу и лично од фотографот на дивиот свет додека ловат лосос.

Групата фотографи не останаа незабележани  – една љубопитна мечка дури и се приближи доволно блиску за да ги испита самите фотографи и нивните камери.

Фотографот Лејтон Лум (32) ги снимил неверојатните слики додека мечките ловеле лосос, далеку од нивните скривалишта во планината, со цел да се нагостат.

Лејтон рече: „Оваа жена е по име Кримп, ја познавам  поради тоа што и фали парче од увото, по тоа го доби и името, таа е една од најтолерантните мечки на езерото Кларк, многу питома и мирна. Таа беше единствената мечка која се интересираше за камерата и се качи да ја намириса пред да се оддалечи“

Мечките што биле фатени на камера се крајбрежни кафеави мечки или гризли, втори по големина, зад поларната мечка.

Тие генерално ловат во овој период од годината поради огромниот прилив на лосос, кои мигрира во реките за да се мрести.

Има доволно риба да ги нахрани мечките до пролетта кога ќе можат да излезат од нивните дупки за зимска хибернација

.

Лејтон додаде: „Сакам блиски средби и фотографии со широк агол, бидејќи им дава поинаква перспектива. Може да забележите различни однесувања и љубопитност што едноставно не ги добивате кога фотографирате од далеку. Мечките се такви ликови, секој се однесува поинаку и забавно е да се гледа “.

Во текот на своето патување, Лејтон фотографираше 15 различни мечки, „секоја со свој карактер“.