Болка под пазувите: 4 најдобри домашни третмани и кога е непходно да посетите лекар

Ако чувствувате болка под едната или двете пазуви, причината може да биде една од неколкуте состојби, почнувајќи од иритација на кожата предизвикана од бричење до лимфедема или рак на дојка. Во продолжение прочитајте повеќе за болка под пазувите и кои се 4 најдобри домашни третмани и кога е неопходно да посетите лекар.

Најчести причини за болка под пазувите и нивни симптоми

• Мускулно истегнување: Постојат неколку мускули на градите и рацете кои можат да предизвикаат болка во пазувите од прекумерна напрегање или повреда.
• Бричење или депилирање на кожата: Се манифестира со иритација на кожата пропатена со чешање и појава на мали црвени акни или воспалени фоликули на влакната.
• Алергиска реакција: Поради употреба на дезодоранс што може да предизвика појава на контактен дерматитис.
• Херпес зостер: Состојба поврзана со кожата што може да предизвика болка во пазувите. Се манифестира со непријатна иритација на кожата.
• Отечени лимфни јазли: Вашиот лимфен систем е мрежа на јазли или жлезди кои се наоѓаат низ целото тело. Лимфата е течност што помага во борбата против инфекциите. Јазлите може да отечат поради настинка или грип или да настане блокада на истите наречена лимфадема. Може да се соочите со отечена рака или отечени пазуви.
• Рак на дојката: Ракот на дојка е често безболен во раните фази, но ако забележите болка или почувствувате грутка под пазувите или во градите, закажете лекарски преглед. Се манифестира со промена на големината на дојката и промени во бојата на кожата.
• Периферна артериска болест: Стеснување на помалите артерии на рацете и нозете. Тоа предизвикува помалку кислородна крв да стигне до мускулите и ткивото на вашите екстремитети.

Како да ја третирате болката под пазувите во домашни услови

• Користете ладна oблога за да ја намалите болката во мускулите.
• Земете антивоспалителни лекови како што е ибупрофен.
• Масирајте ја засегнатата област, бидејќи тоа може да помогне во стимулирање на циркулацијата и намалување на отокот.
• Користете топла облога која може да ви помогне за намалување на отокот на лимфните јазли и да ја олесни болката.

Кога да посетите лекар?

• Болката во пазувите што е поврзана со истегнување на мускулите, може сама да заздрави откако ќе ги одморите вашите мускули неколку дена. Ако имате други симптоми, како оток или присуство на грутка, треба да го посетите вашиот лекар.
• Може да бидете упатени на хематолог специјализиран за нарушувања на лимфните јазли или специјалист за карцином на дојка ако постои сомневање за рак.
• Ако забележите осип или други знаци на проблеми со кожата под пазувите, тогаш посетете дерматолог.
• Ако се сомневате во нарушување на лимфните јазли и имате симптоми како што се треска или конгестија, може да имате респираторна инфекција поврзана со лимфните јазли.
• Во повеќето случаи, раниот третман на која било состојба ќе доведе до подобри резултати. Ако болката е привремен проблем поврзан со мускулите, добивањето дијагноза може исто така да олесни некој друг здравствен проблем.
• Ако имате болка во пазувите што трае повеќе од неколку дена или има други симптоми, како што се оток или осип, веднаш отидете на лекар.