Тоалетот е место кое повеќето од нас го чистат со големо незадоволство. Но, за жал, тоа истовремено е и место чија хигиена секогаш мора да ја одржуваме.

Иако денес на пазарот постојат бројни средства за чистење, сепак истите не се секогаш ефикасни, а воедно доаѓаат со многу силни мириси, на кои почувствителните луѓе не реагираат добро.

За таа цел, за денес ви откриваме еден многу лесен и едноставен трик, со кој ќе ја исчистите тоалетната школка буквално за 10 минути, без многу труд и без да фрлате пари на неефикасни средства.

Сè што ви е потребно, најверојатно веќе го имате во вашата домашна аптека. Станува збор за најобични таблети на растворлив аспирин.

Следниот пат, кога ќе треба да ја исчистите тоалетната школка, едноставно пропуштете 1 таблета аспирин во истата, затворете го капакот и почекајте 10 минути. Веднаш потоа, само пуштете вода и отстранете ги сите нечистотии во тоалетната школка, употребувајќи четка.

Чудесно лесно, брзо и многу ефикасно!