Откако Обединетите Арапски Емирати (UАЕ) и Кина успешно ја достигнаа орбитата на Марс, Црвената планета веќе доминираше во насловните страници оваа недела.

Сега, ново истражување уште еднаш го стави Марс во центарот на вниманието со откривањето на водена пареа од планетата.

Орбитерот за траги на гасови ExoMars (TGO), управуван од Европската вселенска агенција (ЕСА) и рускиот Роскосмос, го откри ова со мерење на светлината додека пареата поминува низ атмосферата.

Откритијата нудат увид во водниот  циклус на Марс и може да им дадат на научниците свежи траги за тоа дали на  Марс некогаш имало живот.

Научниците, користат инструмент на орбитата, наречен „Nadir and Occultation for Mars Discovery“ (NOMAD) за да проучуваат водена пареа и „полутешка“ вода.

Како што се зголемува гасот на водород хлорид, тој им дава на истражувачите индикација за историјата на водата на Марс.

Црвената планета се одликува со неколку древни исушени долини и речни канали кои веќе подолго време укажуваат на можноста дека некогаш таму имало вода во течна состојба.

Голем дел од водата на Марс е во форма на мраз и е закопан под земја.

Д-р Маниш Пател, ко-главен истражувач на NOMAD, рече: „Инструментот NOMAD од темел го менува нашето разбирање за еволуцијата на водата на Марс“.

„Овој фантастичен инструмент ни дава досега невиден поглед на изотопи на вода (варијанти на вода со различни молекуларни маси) во атмосферата на Марс“.

„Мерењето на изотопите на вода е клучен елемент во разбирање како Марс ја изгубила својата вода со текот на времето, и како се менувала можноста да биде населена Марс низ историја“.

Освен што им помагаат на научниците да ја разберат работата на Марсовиот воден циклус, наодите исто така даваат знаци на магматска активност.

Сју Хорн, раководител за истражување на вселената во Вселенската агенција на Велика Британија, рече: „Ова истражување е клучна компонента во нашата потрага да ги откриеме мистериите на Црвената планета“.

„Разбирањето на водена пареа на Марс би помогнало да се одговори на најважното прашање, дали постоело живот на Марс“?