Болката во колената е состојба која лесно може да го наруши секојдневието на луѓето, без разлика на која и да се возраст. За да се спречи оваа појава, потребно е навремено да се преземат соодветни мерки.

Токму за оваа цел, за денес ви претставуваме едноставен рецепт, кој уште денес може да го приготвите во домашни услови, а е чудесен предлог од познатиот руски билкар Мураков. Неговите лековити рецепти станале популарни за време и по Втората светска војна.

Денешниот рецепт ќе ви помогне лесно и брзо да се ослободите од болките во колената, без притоа да вложувате труд или тоа да му наштети на вашиот домашен буџет.

Мелем од аспирин и мед

Потребни состојки

  • 10 таблети аспирин
  • 200 гр течен мед
  • Неколку капки јод

Начин на подготовка

Истолчете ги таблетите, до нивно претворање во прав. Измешајте го аспиринот во прав со медот, до добивање на густа смеса. Доколку процените дека текстурата не е доволно густа, додадете уште аспирин.

Складирајте ја добиената смеса да отстои 10 дена на темно и ладно место, но не во ладилникот. Од време на време, промешувајте ја смесата.

По 10 дена, кога мелемот ќе биде готов, додадете неколку капки јод во истиот и повторно добро измешајте ги состојките. На ова количество мед и аспирин, доволни ќе бидат 5-6 капки јод.

Следно нанесете од мелемот на засегнатата болна област, а потоа завиткајте го коленото во фолија и волнена крпа, односно подгответе го третманот во форма на облога за колената.

За најдобар ефект, практикувајте го домашниот третман пред спиење, односно нанесете од мелемот и оставете го да делува во текот на целата ноќ.