Самоизолацијата во услови на пандемија ги поставува луѓето во несакани ситуации и ги соочува со непознати предизвици. Таа е вистински тест за трпеливоста и чувствата, кога сме принудени да бидеме далеку од луѓето кои ги сакаме.

Токму затоа кога емоциите и желбите ќе се сретнат, резултатот не може да се опише со зборови.

Овие денови една емотивна фотографија го обиколи светот, а која допре до срцето на милиони луѓе. Дедо за првпат го запозна неговото внуче, но само преку прозорецот, со цел заштита од опасноста поради коронавирусот.

Фотографијата е направена во Ирска, а таткото на новороденчето едноставно сакал неговиот син да го запозне својот дедо, но поради пандемијата средбата се одвивала само преку прозорец. Емотивната сцена била снимена од сестрата на таткото, која потоа ја објавила фотографијата на Твитер.