Шиацу е една од наједноставните масажи што можете да си ја направите сами на себе и може да донесе големи придобивки за вашето здравје и целокупната благосостојба. За неговите ефекти се верува дека се превентивни и лековити, и без разлика дали ќе го направите тоа за да ослободите од стресот или болката во зглобовите или да направите кожата на лицето да изгледа помлада, ефективноста на оваа техника може да ве изненади. Сите знаеме дека со годините доаѓаат и брчките, а оваа терапевтска техника може да ви помогне да се справите со нив од удобноста на вашиот дом и без притоа да плаќате огромни суми за третмани.

Како да се ослободите од брчките на надворешните агли на вашите очи.

УВ изложеноста и стареењето се 2 главни виновници за брчки, но добрата вест е дека можеме да сториме нешто во врска со нив благодарение на шиацу. Прво, она што треба да направите е да ги поставите показалците на надворешните агли на очите и малку да ја загреете областа. Тогаш, процесот е едноставен:

Движење: Притиснете со прстите, а потоа отпуштете. Можете исто така да ги повлечете мускулите нагоре додека притискате со прстите.
Време и повторувања: Повторете го ова 3 пати за 3 секунди од двете страни.

Како да се ослободите од брчките под вашите очи.

Кожата под очите е многу тенка, што значи дека е полесно да стане лабава и старее побрзо од кожата на другите деови. За среќа, шиацу може да ни помогне да ја подмладиме оваа област и да направиме кожата да изгледа поцврста и помлада. Она што треба да направите е да го ставите показалецот, средниот прст  и досредниот прст каде што е обележано на сликата погоре и да притиснете.

Движење: Лесно притиснете на 3-те точки.
Време и повторувања: Држете ги прстите таму 10 секунди, а потоа ослободете ги. Повторете ја вежбата двапати.

Како да се отстрани подуеноста под очите.

Сите знаеме како изгледа пдуеноста под очите, бидејќи веројатно сите сме ја доживеале во одреден момент. Шиацу има начин да го поправи ова, така што нема да треба да изгледаме постаро отколку што навистина сме. Она што треба да го направиме е да ги поставиме показалките на внатрешните агли на очите. Оттаму, треба да правиме движења, следејќи ја линијата, како што е прикажано погоре, сè додека не ги достигнеме надворешните агли на очите. Само обидете се да не ја истегнувате или мрдате кожата. По завршувањето на вежбата, ставете ги показалецот и средниот прст на внатрешните и надворешните точки на очите и лесно притиснете ги надолу.

Движење: Следете ја линијата со прстите. Потоа лесно притиснете на внатрешната и на надворешната страна на вашите очи.
Време и повторувања: Направете ги сите овие чекори 3 пати по 3 секунди.

Шиацу е повеќе од само еден вид масажа.

Шиацу се преведува како „притисок на прстите“ и тоа е форма на терапевтска масажа која користи техники на гмечење, притискање, потчукнување, истегнување и смирување, а потекнува од 1900-тите во Јапонија. Без разлика дали станува збор за стрес и вознемиреност, ослободување од болка во мускулите и зглобовите, замор, несоница или состојби како што се ишијас, артритис и други, масажата со шиацу може да биде навистина корисна.

Принципите на шиацу.

Еден од основните концепти на јапонската медицина е „чи“. Кога „чи“ е надвор од рамнотежа, може да се појават симптоми како настинка, грип, главоболки, болки во телото, мускулна болка или дигестивни тешкотии. Шиацу го стимулира протокот на „чи“ низ нашите тела, што прави да се чувствуваме добро и здраво.