Со сколиозата се соочуваат илјадници луѓе ширум светот, но постојат многу начини како истите да добијат правилен третман, кој значително ќе им го олесни животот.

Иако луѓето не можат да ја излечат состојбата, постојат многу вежби кои може да ги практикуваат дома, а притоа вежби што можат да помогнат во подобрување на нивното здравје и благосостојба.

Денсс со вас ја споделуваме важноста на вежбањето и им откриваме неколку начини на луѓето со сколиоза како да се ослободат од нивната ‘рбетна болка.

1. Наведнување на карлицата

Што да направите: Легнете на подот, притоа  свиткајте ги колената, а стапалата потребно е да го допираат подот. Затегнете ги мускулите на стомакот и израмнете го грбот. Држете ја оваа поза 5 секунди и потоа вратете се во првобитната положба. Повторете во 2 серии од 10 кревања поединечно.

Како ова делува: Ги затегнува мускулите во колковите и долниот дел на грбот.

2. Кревање на рацете и нозете

Што да направите: Легнете на стомакот, држејќи го челото наведнато кон подот. Исправете ги рацете и нозете. Кренеете ја едната рака од подот, истовремено додека ја кревате спротивната нога. Држете ја положбата така за 2 полни здива пред да се спуштите назад на подот, во првобитната положба. Направете 15 повторувања од секоја страна.

Како ова делува: Го зајакнув долниот дел од грбот.

3. Мачка – Крава

Што да направите: Клекнете, притоа потпирајќи се со рацете на подот. Благо свиткајте го грбот додека ги вовлекувате стомачните мускули, имитирајќи го грбот на мачката. Ослободете, оставате стомакот да ви надвисне и потоа кренете ја главата нагоре до таванот, имитирајќи го грбот на кравата. Повторете 2 серии од 10 вакви свиткувања.

Како ова делува: Ја смирува болката во ‘рбетот и помага истиот да биде пофлексибилен.

4. Птица – куче

Што да направите: Оваа вежба е слична со вежата за кревање на екстремитетите, но ја изведувате додека клекнувате, со рацете на подот. Протегнете ја едната рака и спротивната нога, задржувајќи се така за 5 вдишувања. Повлечете и повторете со спротивната нога. Направете околу 10 до 15 повторувања за секоја страна.

Како ова делува: Го зајакнува и стабилизира јадрото и долниот дел на грбот.

5. Протегнување на мускулот латисимус дорси

Што да направите: Застанете исправено со рацете над вашата глава. Свиткајте го телото кон левата страна и вратете се во стоечката позиција со притискање на левото стапало. Сега, наведнете се кон десно и вратете се во првобитната положба. Направете околу 5 до 10 повторувања за секоја страна.

Како ова делува: Го зајакнува мускулот на латисимус дорси.

6. Абдоминално притискање

Што да направите: Легнете на грб, притоа стапалата треба да ви бидат рамно поставени и кренете ги нозете додека не стасаат до агол од 90 степени. Притиснете ги надолу колената за да ги активирате стомачните. Не ги движете рацете или нозете додека притискате. Држете до 3 вдишувања, а потоа вратете се во првобитната положба. Повторете во 2 сета од 10 притискања.

Како ова делува: Им помага на стомачните мускули, што помага да го извадите притисокот од грбот.

7. Одржување рамнотежа на една нога

Што да направите: Додека стоите, свиткајте го едното колено и кренете го нагоре, одржувајќи ја рамнотежата на едната нога. За да ги направите работите полесни, придржувајте се на нешто, но откако ќе ви стане полесно, не се потпирајте на ништо. Поставете ги дланките пред градниот кош. По 10 до 20 секунди балансирање, сменете ги нозете. Повторете 5 пати за секоја страна.

Како ова делува: Го исправува ‘рбетот.

Бонус: Кои други вежби може да ги практикувате?

Во едно истражување направено од истакнати лекари и хирурзи на Универзитетот Колумбија во Њујорк, беше откриено дека, вежбата позната како странична штица, едноставна јога поза, исто така, може да им помогне на луѓето со сколиоза. Оваа едноставна поза вклучува лежење на едната страна од вашето тело додека се потпирате на лактот и подлактицата. Откриено е дека држење на телото во оваа положба за 90 секунди најмалку 3 дена во неделата може да помогне во исправувањето на ‘рбетот за малку 3 месеци.