Луково лепче со кашкавал: „Никој не може да му одолее, па ниту јас!“

„Кога ќе го извадам од рерна, целото семејство за секунда доаѓа во кујна. Никој не може да одлее на вкусот на овој специјалитет, тоа е невозможно!“

Вкусната и неверојатна комбинација од кашкавал или сирење, со зеленчуци и ароматичен лук е најделикатесното тесто што некогаш ќе го вкусите, а воедно е многу едноставна и брза идеја за вечера, а без проблем може да ја приготвите кога и да посакате.

Потребни состојки

300 мл топло млеко
500 гр брашно
11 гр сув квасец
1 кафена лажица шеќер
1 кафена лажица сол
4 супени лажици масло за готвење
1 гранче копар
200 гр маслиново масло
200 гр кашкавал
Правоаголен сад за печење со димензии 25 x 11 цм

Начин на подготовка

Во еден поголем сад, додадете го топлото млеко, а веднаш потоа и квасецот и шеќерот и добро измешајте. Покријте го садот со фолија и оставете ја смесата да отстои 10 минути.

Потоа отстранете ја фолијата, промешајте ја смесата и започнете постепено да го додавате брашното. Пред тестото да биде готово за месење, потребно е во садот да имате додадено 300-350 грама брашно, а остатокот нанесете го на површината каде што ќе го месите тестото.

Приготвеното тесто поставете го во сад, а потоа додадете го маслото за готвење и започнете да месите. Откако ќе заврши оваа постапка, покријте го садот со фолија и оставете да остои 1 час.

Во меѓувреме, потребно е копарот да се сомеле во блендер, а потоа се додава и маслиновото масло и состојките се мешаат за да добро се соединат.

Откако ќе биде готово тестото, тоа се развива на тенок слој и на целата негова површина се нанесува готовата смеса од копарот и ренданиот кашкавал. Тестото се сече на два дела и од истите се плете плетенка.

Во садот за печење, прво поставете хартија за печење, а потоа врз истата, ставете ја плетенката. Одозгора додадете рендан кашкавал, покријте со парче ткаенина и оставете 30 минути.