Поранешна негувателка која станала возач на автобус на 21 година изјавила дека редовно мора да ги трпи луѓето што и велат дека е „премногу убава за да биде возач на автобус“.

Џоди Леи Фокс ја доби својата работа од соништата возејќи автобуси пред три години откако видела оглас на задниот дел од едно од возилата за јавен превоз.

24-годишната девојка од Брентвуд, Есекс, ужива во работата толку многу што се надева дека ќе ја продолжи додека не се пензионира за повеќе од четириесет години.

Но откако започна да вози автобус, Jоди вели дека е преплавена со коментари од патници за нејзиниот изглед.

„Имав толку многу коментари од патници – главно од мажи“, рече Џоди.

„Кога мажите влегуваат во автобус, јас секогаш ја добивам истата реакција, која има тенденција да биде       „толку си убава“или „никогаш не сум видел толку убав возач на автобус во мојот живот“.

„Луѓето велат дека сум премногу убава за да бидам возач на автобус, но добивам неколку убави коментари од други жени кои ми даваат комплименти  за моите нокти или за косата и шминката“.

Нејзиниот изглед и годините и го отежнија дружењето со колегите, тврди Џоди.

„Нема жени околу мојата возраст“, ​​рече таа.

„Се стекнав со неколку пријатели во гаражата, но обично само ја земам мојата картичка за должност и потоа замиувам за мојата смена“.

Таа вели дека се надева дека ќе може да се бори против стереотипите за жени возачи на автобус во текот на нејзината долга кариера што претстои.

Таа е квалификувана да вози автобуси, па дури и лимузини и мора да полага испити за да остане во најдобра форма.

Џоди успеа да добие многу следбеници на „ТикТок“  каде што ја споделува реалноста за како е да се биде возач на автобус.