Од време на време, одредено научно откритие нè поттикнува да размислиме за сите наши досегашни сфаќања и ставови. Последно такво истражување ни подготвија научниците од Јапонија.

Јапонските геронтолози спроведоа истражување, кое покажа дека оние кои се движат на 70-годишна возраст, како што се движеле во младоста т.е енергично, имаат 100-процентна шанса да доживеат 80-годишна возраст.

Уште од 1997-та година, лекарите го проучуваат брзината на чекорењето, кај луѓе на возраст од 60 до 80 години. Резултатите од тоа истражување покажале дека човекот може да очекува долг животен век, под услов и на 70-годишна возраст да поминува 1.5 метри во секунда.

Според Д-р Хиденори Араи, темпото на чекорење е добар показател кој дозволува точно да се прогнозира животниот век на луѓето.

Според него, колку побрзо човек се движи при вообичаениот режим, толку подолг живот ќе живее.