Отекувањето на вратот е акумулација на течност во ткивата на вратот или воспаление на истиот. Воспалението на вратот може да произлезе од инфекција, повреда или неодамнешна медицинска процедура. Бенигните состојби на кожата можат да предизвикаат потекување на мали области на вратот.

Оток на лимфните јазли на вратот е чест симптом на многу различни видови на вирусни и бактериски инфекции. Зголемувањето на тироидната жлезда е позната причина за оток на вратот кај возрасните. Во ретки случаи, отокот на вратот може да биде резултат на рак.

Најчести причини за отечен врат и нивни симптоми

Причини за отечен врат

Симптоми

Отекувањето на вратот може да ги придружува другите симптоми кои варираат во зависност од основната болест, нарушување или состојба. Следните симпотми може да се појават заедно со отокот на вратот:

  • Крварење или модринки
  • Сува или мрсна кожа, пропратена со чувство на чешање
  • Осип
  • Црвени или розови испакнатини
  • Црвенило или топлина
  • Тешкотии во џвакањето
  • Отежнато голтање
  • Тешкотии во зборувањето
  • Болка со голтање или движење на вратот
  • Подигнати грутки под кожата на вратот
  • Воспалено грло

Кожни причини

  • Акни
  • Бенигни израстоци
  • Циста (бенигна вреќа што содржи течност, воздух или други супстанци)
  • Липома (бениген мастен израсток)
  • Инфекција на кожата

Други причини

  • Општа инфекција што доведува до отекување на лимфните јазли
  • Гушавост (зголемена тироидна жлезда)
  • Наследен ангиоедем (сериозно генетско нарушување што предизвикува периодично отекување на грлото и другите области)
  • Мононуклеоза (вид на вирусна инфекција)
  • Заушки (вирусна инфекција на плунковните жлезди на вратот)
  • Неодамнешна повреда или траума на вратот
  • Неодамнешна операција на вратот
  • Несакани ефекти на лекови, како што се антибиотици или инхибитори на ензими кои преобразуваат во ангиотензин
  • Зголемување на тироидната жлезда (гушавост)

Сериозни, опасни по живот, причини

  • Анафилакса (тешка алергиска реакција)
  • Ангиоедем (тежок оток под кожата што може да предизвика тешкотии при дишењето)
  • Рак на грлото, меките ткива, тироидната жлезда или други структури

Како да го третирате отечениот врат во домашни услови

Домашен лек за отечен врат

Одмарајте колку што е возможно најмногу. Ако отечените лимфни јазли се нежни или болни, може да малку да ги ублажите непријатните симптоми со тоа што ќе го направите следново: Нанесете тополa, влажна облога како што е крпа за миење натопена во топла вода и исцедена, на засегнатата област.

Кога да посетите лекар?

Посета на лекар за отечен врат

Во некои случаи, отокот на вратот може да биде симптом на опасна по живот состојба за што е потребен лекарски преглед. Побарајте итна медицинска помош ако вие или некој ваш близок ги има следните  опасни по живот симптоми:

  • Висока треска (повисока од 38°C)
  • Болен, вкочанет врат со отечени лимфни јазли (може да биде знак на сериозна инфекција)
  • Респираторни проблеми или проблеми со дишењето како што се краток здив, отежнато дишење или гушење.
  • Ненадеен, болен оток на вратот