Не е невообичаено да се вратите дома од супермаркетот со неколку артикли што ги немавте на вашата листа, но една жена од Охајо, САД,  се врати дома со нешто толку неочекувано што мораше да ја извести полицијата.

Ламија Сингфилд  ја сподели својата загриженост на Фејсбук откако распакувалала парче пушено месо и открила дека има голема сличност со човечки пенис.

Сингфилд првично сметала дека ситуацијата е смешна, но колку подолго гледала во чудниот предмет, толку повеќе станувала загрижена. Таа одлучила да повика полиција, која пристигнала во домот за да земе извештај и да ја однесе мистериозната грутка месо во канцеларијата на медицинскиот испитувач за тестирање.

Сингфилд ги известила полицајците дека е загрижена дека парчето месо што го купила може да биде дел од „човечки остатоци“.

Таа изјави: „Се надевам дека не е човек затоа што тоа значи дека некој можеби е мртов или многу повреден. Јас само сакам одговори“.

За среќа, Сингфилд не мораше да чека долго за нејзините одговори, бидејќи само неколку дена подоцна истражител од канцеларијата на лекарскиот испитувач потврди дека месото е свинско, а не човечко. Тие исто така забележаа дека има коска, што значи дека и покрај тоа што личи на пенис, дефинитивно не е.

Од продавницата каде Сингфилд го купила месото изјавија дека никогаш порано немале проблеми со производот и дека имаат долгогодишна посветеност кон највисоките стандарди за контрола на квалитетот и се партнери со локални производители за да се осигураат дека тие стандарди се почитуваат.