Жена од Тајланд не можеше да поверува во својата среќа откако налета на повраќаница на кит вредна скоро 200.000 евра во близина на нејзината куќа на плажа.

49-годишната Сирипорн Ниамрин одела покрај плажата по бура кога забележала голема грутка исфрлена на брегот во провинцијата Нахон Си Тамарат, Тајланд на 23 Февруари.

По подетален преглед, забележала дека супстанцијата мириса на риба, па ја одвлекла од плажата, верувајќи дека би можела да ја продаде за пари.

Откако ги замолила соседите за помош со пронајдокот во форма на овал, Сирипорн се шокирала кога и кажале дека супстанцијата е повраќаница на кит, позната како килибар.

Тешка повеќе од два килограми, килибарот има проценета вредност од 200.000 евра.

Со цел да се провери автентичноста на килибарот, Сирипорн и нејзините соседи држеа пламен до грутката, предизвикувајќи дел од неа да се стопи, а потоа повторно да се стврдне по ладењето.

Сирипорн сега чека експерти да ја посетат нејзината куќа за да потврдат дека грутката е вистинска килибар, ретка состојка што се користи во индустријата за парфеми.

Таа рече: Ако навистина имам вистински килибар, можам да и помогнам на мојата заедница откако ќе најдам купувач. Се чувствувам среќно што најдов толку големо парче. Се надевам дека ќе ми донесе пари. Го чувам безбедно во својата куќа и го замолив локалниот совет да ме посети за да го провери.

Килибарот се произведува од китовите кога жолчните канали во гастроинтестиналниот тракт прават секрети за да го олеснат минувањето на големи или остри предмети. Китот потоа повраќа слузница  се зацврстува и плови на површината на океанот.

Цврстото парче има лош мирис на почетокот, но откако ќе се исуши слузницата, се развива сладок и долготраен мирис, што го прави барана состојка во индустријата за парфеми.