Татковците, особено оние кои искажуват љубов, можат многу да придонесат за среќата на детето. Многу е забавно да се бориш со тато, да се смееш гласно и да ја чуеш мама како вика од друга соба: „Биди внимателен да не скршиш ништо!“ Верувале или не, таквата безгрижна работа всушност може да ги направи децата интелигентни и списокот не завршува тука.

1. Децата на грижливи татковци имаат повисок IQ.

Според студијата спроведена од Ерин Погне на Универзитетот Конкордија, татковците даваат значителен придонес во когнитивното и однесувањето на децата. И девојчињата и момчињата покажале повисоки перформанси на IQ и помалку интернализирани проблеми. Исто така девојчињата кои имале грижливи татковци покажале помалку емоционални нарушувања во пред-адолесценцијата.

2. Нивните ќерки се попаметни и понаметливи.

Татковците исто така играат важна улога во академскиот пат на една млада жена. Татковци кои покажуваат љубов им помагаат на девојчињата да добијат подобро платена работа, па дури и да бидат унапредени. Според една студија, девојчињата кои се поддржани од нивните татковци имаат  работни места кои генерално ги преземаат мажите. Покрај тоа, многу професионални спортистки им оддаваат признание на своите татковци што ги поддржувале во текот на целата кариера и ја развивале нивната издржливост.

3. Момчињата се држат настрана од лошо друштво.

Татковците имаат значително влијание врз развојот на идентитетот и социјалните односи на детето. Децата од семејства без татко имаат 3 пати поголема веројатност да станат криминалци пред да наполнат 30 години.

4. Нивните деца имаат помала веројатност да развијат зависности.

Поголемиот дел од пациентите кои страдаат од злоупотреба на супстанции доаѓаат од домови без татковци. Иако и двајцата родители имаат улога во социјалниот развој на децата, според истражувањата децата кои имаат лош однос со татковците се склони кон злоупотреба на супстанци.

5. Тие имаат повисока емоционална интелигенција.

Тоа „борење“ меѓу децата и татковците е всушност корисно. Д-р Ентони Т.Бебенет и Лоренс Коен веруваат дека тоа значително ја зголемува самодовербата кај децата. Многу крикови, смеа и пискања исто така ја зголемуваат емоционалната интелигенција кај децата. Забавувајќи се со своите татковци, децата учат подобро да ги контролираат своите емоции.

 

6. Нивните деца имаат поголема самодоверба.

Самоуверените татковци кои се грижат за своите деца ја подобруваат целокупната благосостојба на децата. Оние деца кои имаат топол однос со своите татковци обично стануваат самоуверени возрасни. Во овој случај, татковците играат улога на пријател кој ги води своите деца во вистинската насока и им помага доколку имаат потреба.