Ракот на панкреасот е го зазема 12-то место во светот по малигни патолошки заболувања и 7-то место по стапката на смртност, откриваат најновите статистички податоци.

И покрај огромниот медицински напредок и развој на полето на раното откривање и превенциите, ракот на панкреасот речиси секогаш се открива во доцна фаза, кога веќе се проширил и кон останатите внатрешни органи, што го прави еден од најсмртоносните видови на рак.

Што претставува рак на панкреас?

Ракот на панкреасот претставува раст на атипични клетки кои навлегуваат и ја оштетуваат структурата и функцијата на органот. Овие клетки исто така ја имаат способноста да се распространат и кон други органи во телото, оштетувајќи ги истите.

Симптоми на рак на панкреас

  • Недостаток на апетит е неспецифичен признак на самиот почеток од болеста
  • Болка во горниот дел од стомакот. Истите може да варираат, како по интензивност, така и по честота
  • Болка во средина од грбот со тешка интензивност
  • Нерасположеност, која исто така е неспецифичен симптом, а може да продолжи неколку месеци до откривање на болеста
  • Слабост или хроничен замор
  • Треска која не е поврзана со инфекции и настинки и обично трае подолг временски период, пр. 5 дена
  • Чести епизоди на гадење
  • Подуеност на стомакот
  • Драстично слабеење
  • Нарушена толеранција на глукоза.
  • Дијабетес

Фактори кои го зголемуваат ризикот за појава на овој вид на рак

  • Прекумерена телесна тежина
  • Пушење на цигари
  • Хроничен панкреатит
  • Членови од семејството со рак на панкреас
  • Дијабетес