За време на карантинските денови Александра Јанева реши да направи нова верзија на хитот „Еве ме пак“ заедно со 25 млади музички таленти, солисти и инструменталисти.

Новото видео кое вечерва го објави на своите социјални мрежи покажува дека пејачката е во цврста врска со своите фанови.

„Сакам да ги слушнете, не поради тоа што свират и пеат моја музика, туку затоа што се мултиталентирани и нестварно слатки!“, вели Александра за овој проект снимен во услови на самоизолација.

Покрај музичките таленти, во видеото се појавуваат и бројни фанови од сите возрасти како и нејзиниот бенд со кој често ја гледаме на настапи низ земјата.